Bart gauean iritsi zen Guatemala Hiritik furgoneta. Barruan hamar bat emakume eta gizonen bat. Askorentzat lehen aldia zen Nebajera iristen zirela. Turistak? Kirolari taldea? Langileak? Langileak bai, baina soldatik gabe lan egiten duten horietakoak. Urtebete dihardute lanean, beraien azalean sufritutako genero indarkeriatik abiatzen den antzezlana osatuz. Hiriburuan utzi dituzte eguneroko mehatxu, prozesu judizial eta oztopoak.
Marco argentinarra dute zuzendari, baina bera ez dator furgonetan, berak bi egun aurretik egin bait zuen hiriburutik honerakoa. Guatemala Hiriko emakume taldearekin antzezlan bat eramatea gutxi balitz, azaroak 25erako beste erronka bat baitu buruan: Nebajeko red de mujeres ixiles taldeko emakumeekin soziodrama bat prestatzea.
Azaroak 25, genero biolentziaren aurkako nazioarteko eguna. Nebajen ere mundu mailako aldarrikapen honi ahotsa gehitu zaio. Goizean izan da ekitaldi nagusia, herriko aretoan. Ixil eskualdean emakumeekin lanean diharduten hainbat erakundeek amankomunean antolaturiko ekimena izan da gaurkoa; lantokitik plazara jauzi egiteko eguna.
Borobil joan da dena. Martxan jarri da furgonetako motorra. Muxu eta besarkadak. Agurtu ditugu antzezleak. Agurtu dugu Marco. Bidai on!!!
No hay comentarios:
Publicar un comentario