haur kontuak

"Cuando eres txiki todo es la ostia, todo lo vives con a saco de intensidad; un finde era super largo y el verano, ostia el verano, las vacaciones eran eternas". Gogoan ditut aspaldian Porruk esandako hitzok, Alayaken eta Loraitzen iragandako ikastola garaiko oporraldietaz hizketan, haur gineneko garaiaz hizketan. Haur izateaz hizketan.

Gaur berriz etorri zaigu Felipe etxera. Hasieran Felipe el Fontanero zena, orain Felipe Chapuz omen (bere hitzetan) eta etxeko salako xirrikitu bat zemento pixkatekin ixten lagundu digu. Ez da bakarrik etorri, ohi bezala, bere laguntzailearekin etorri da: Diego, asko jota 8 urtetako semearekin. Oso haur isila dela esango nuke, beti aitarengandik gertu, beti esku bat botzeko prest.

Txapuzak beti txapuz, eta Felipe datorrenean ohizkoak izaten dira goiko burdindegi txikira egin beharreko joan etorriak: PVC-zko tubotxoa behar dela, tefloizko haria falta zaigula... Hauetako joan etorri batean, hor ikusi dut Diego, etxeko aldapan txakurrarekin jolasean, aurpegiko espresio guztiz ezberdin batekin. Irrifartsu. Laneko arduretatik urrun beste haur bat zirudien. Haur bat zirudien.

Distantziaren laguntzaz, ez naiz bakarrik geografikoaz ari, ohartzen zera baietz, arrazoi zuela Porruk. Arrazoi zuela, besteak beste, guk haurrak izateko aukera eduki genulako. Haur ginen eta haur izaten utzi ziguten.

Distantziaren laguntzaz, konturatzen zera aukera pribilegioa zela. Etxe honetan gutxi, gutxiegi, gara aukeratuen klub horren parte. Hirurogei urte pasa dira giza eskubideen aldarrikapen unibertsala sinatu zenetik; denboran urrun, emaitzetan urrun.

Guretzat ere denborak aurrera egin du eta aspaldi utzi genion haur izateari; Porru orain Shanghain dabil, gu berriz Nebajen. Bai Txinan nola Guatemalan bakoitza gure izana eraikitzen gabiltza, haurtzarotik hasitako eraikuntzan aurrera. Apostu egingo nuke, ez Porru eta ez ni ez ginela gauden lekuan egongo haurtzaroko uda horiek Alayak eta Loraitz artean pasa izan ez bagenitu, haurkeriak bere garaian egin izan ez bagenitu.







oharra: argazkitan ez da Diego azaltzen, bere bi anai zaharrak baizik